саптық дайындық

(Строевая подготовка)

әскери қызметшілерді тәртіпке үйрететін, оларда жоғары саптық бойы түзету, үлгілі әскери түр, саптық тәсілдерді жылдам және дәл орындай алуды қалыптастыратын, ширақтыққа, ептілікке және шыдамдылыққа дағдыландыратын басты әскери пәндердің бірі. Сонымен қатар С.д. бөлімшенің саптық үйлесімділігін қалыптастырады, оларды оңай басқарылатындай етеді және әскерлердің ұрыстық әзірлігін жоғарылатуға ықпал етеді. Ол сарбаздың және бөлімшенің табысты тактикалық дайындығының негізі болып табылады. С.д. элементтері тактикалық сабақтарға атыс және дене тәрбиесі дайындықтары элементтерімен тең түрде кіреді. С.д. төмендегі бөліктерден тұрады: жеке дайындық сарбаздардың қарумен және қарусыз орындалатын саптық тәсілдерді үйренуі; сапта, ұрысқа кіру реттерінде тізбекте (бөлімшенің ұрыс желісі) бірлесіп қимыл жасау үшін бөлімшені даярлау және үйлестіру; бөлімшелерді машиналармен қимылдарға үйрету. Жеке саптық үйрету С.д-тың негізгі түрі болып табылады, себебі жалпы бөлімшені және бөлімді үйрету мен үйлестірудің табысты болуы әрбір сарбаздың дайындық дәрежесіне байланысты болады.